Falsch verstande
Julius Ammann
Aprillewätter, wies so isch vo Schnee und Rage grad e Gmisch. Dr Puurli-Peter tschalpt duruf vom Wänke här mit tiefem Schnuuf.
Do chunt e Fuehrwärch hinderhar, Dr Herr Inspäkter. — Bis ke Narr. Scho hockt er by-n em uf de Bank und fluecht ufs Wätter sich halb chrank.
Dr Herr Inspäkter kurz drauf spricht: «Aufs Wetter fluchen, das geht nicht, man muss drum beten», sait de Ma. Der Peter gafft ihn gspässig a.
«Was saisch? Das gäb e Ghörn im Land. Du chasch mer, das wär allerhand; wenn jede by däm Wätter do müesst e Trompete blose lo.»
Dr Puurli heds, de gueti Ma uf syni Art verstände gha.